Oktani është njësa e matjes së resistncës gjatë vetë-ndezje së benzinës apo hidrokarbure të tjera të përdorura për motorët me ndezje me kandelë, që do të thotë aftësi për ti rezistuar ndezjes së parakohshme në motor. Pra është një parametër për matjen e pikës së ndezjes së benzinës.

Vlera e Oktanit paraqet përqindjen në vëllim të izo-oktanit në një përzierje izo-oktani dhe heptani, që do të ketë të njëjtën pikë kritike si dhe karburanti të cilin marrim në shqyrtim. Psh., benzina me të njëjtën pikë kritike maksimale 90% izo-oktan dhe 10% heptan do të ketë një përqendrim 90.

Këshilluesit automobilistikë dhe shoferët e garave theksojnë se makinat e garave kanë nevoje për karburant me përmbajtje të lartë oktani.

Karburanti me shumë oktan i reziston më shumë goditjes tek motorët me shumë soperxhiro, në këtë mënyrë i lejon motorët të performojnë në mënyrë optimale.

Aktualisht, motorët e shumë prej makinave të reja kanë sensorë goditjeje që e pengojnë dëmtimin e shkaktuar nga goditja. Ndërkohë, disa prodhues kanë prezantuar sensorët aktivë kundër goditjes. Këto sisteme jo vetëm që e mbrojnë motorin nga goditja duke e vonuar ndezjen,  por mund edhe ta përshpejtojnë ndezjen kur përdoret karburant me nivel të lartë oktani, që shoferi të përfitojë nga ana ekonomike ose për një performancë më të lartë. 

Me çmimet aktuale, ndryshimi ndërmjet karburantit më të lirë dhe atij më të shtrenjtë është 15 lekë për litër.  Nëse përdor 50 litra në muaj, ndryshimi vërtitet tek rreth 9.000 lekë në vit. Por me të njëjtën sasi karburanti mund t’i japësh makinës për më shumë më tepër kilometra.